Највкусниот рецепт за баба гануш – намаз од модри патлиџани
Чекори на подготовка
- Рерната загрејте ја на 250 степени.
- Модрите патлиџани измијте ги, избришете ги, а потоа избоцкајте ги со виљушка на 7-8 места, за подобро да се печат.
- Печете ги по 2 минути на најсилна температура,од секоја страна, тоа ќе им даде посебно добар вкус, а потоа намалете ја рерната на 180 и печете ги уште 25-30 минути без вртење.
- 10-15 минути откако се испекле, излупете ги и испасирајте ги со виљушка или алатка за тоа.
- Ако има вишок течност, ова е моментот да ја отстраните.
- Потоа во садот додајте ги и таанот, лимоновиот сок, ситно сечканите лук и магдонос,мелениот ким и солта, и на крај, екстра девственото маслиново масло.
- Убаво измешајте, а ако сакате да е мазно како намаз или сос, искористете и блендер.
- Вака приготвен баба гануш може да се чува во затворен сад во фрижидер до 5 дена, а за сервирање топла препорака да користите магдонос и маслиново масло.
- На здравје!
Намирници
- 2 средно големи модри патлиџани (околу 900 грама)
- 1/4 чаша(60 мл) таан
- 1/4 чаша(60 мл) свежо цеден сок од лимон
- 3-4 чешниња лук, ситно сечкан
- 1/4 лажиче мелен ким
- 1/4 лажица крупна морска сол од Витаминка по вкус
- 2 лажици сечкан магдонос
- 2-3 лажици Брилијант екстра девствено маслиново масло од Витаминка.
Го пробавте рецептот?Кажете ни како Ви се допадна!