Американски палачинки со интегрално брашно
Сте размислувале како да направите оброк со кој нема да ги зголемите килограмите,а сепак да биде вкусен за јадење? – Tука се американските палачинки со интегрално брашно кои можете да ги комбинирате по ваш вкус.Доаѓа летото и секој би сакал да ужива во храната, а притоа да биде фит. Затоа,овој период треба да се прават мудри избори и да се посегне по пониско калорична, но нутритивно богата храна.А такви се и овие палачинки, направени од интегрално брашно и без шеќер. Пробајте и уживајте!
Чекори на подготовка
- Во подлабок сад измешајте ги сите суви состојки (брашното, солта, зачините и содата бикарбона).
- Во друг сад ставете ги јајцата, Брилијант омега -3 маслото, млекото и медот.
- Измешајте убаво со жица за матење.
- Во садот со сувите состојки додајте ја смесата со јајцата и млекото.
- Измешајте со жицата за да се соединат состојките.
- Смесата оставете ја да отстои за време од 15 до 20 минути.
- Тавата за палачинки намрсете ја со малку масло и добро загрејте ја.
- Со помош на лажица земете од смесата и формирајте палачинка.
- Печете околу минута и пол на едната страна, или додека забележите меурчиња по површината на палачинката.
- Потоа,превртете ја палачинката на другата страна и продолжете со печењето уште 1 минута.
- На втората страна печењето трае пократко.
- Топлите палачинки сервирајте ги свежо овошје,мед и јаткасти плодови по желба.
- Уживајте во светот на вкусовите!
Намирници
- 140 г интегрално брашно
- 2 јајца
- 250 мл млеко
- 2 лажици Брилијант омега 3 масло
- 1 лажица мед или стевиа од Витаминка
- 1 лажица сода бикарбона без алуминиум од Витаминка
- ½ мала лажичка цимет од Витаминка
- прстофат сол.
За прилог:
- банана
- јаворов сируп, мед или друг засладувач по желба
- свежо или замрзнато овошје.
Го пробавте рецептот?Кажете ни како Ви се допадна!