Полнет благ компир
Чекори на подготовка
- Загреј ја рерната на 200 степени. Убаво измиј ги компирите. Исечи ги на половини, посоли ги и промачкај ги со маслиново масло. Преврти ги, лушпата да биде нагоре и боцни ги со вилушка на неколку места.
- Печи ги околу 40 мин. (може и повеќе во зависност од големината)
- Додека се печат компирите припржи го месото со зачини по желба и изрендај кашкавал.
- Кога ќе бидат испечени компирите, преврти ги, испасирај ги малку и нареди месо, пченка или додатоци по избор и кашкавал. Врати ги во рерна да се стопи кашкавалот.
- На крај додади грчки јогурт, sweet chilli сос и салата. Јас ги јадам со лушпа, така ми се повкусни, но може и без.
Намирници
- 2 големи благи компири
- маслиново масло и зачини
- 250-300г мелено пилешко и мисиркино
- пченка или грав од конзерва
- кашкавал
- грчки јогурт
- салата
- sweet chili сос
Го пробавте рецептот?Кажете ни како Ви се допадна!